Izena emateko prozesua

Gure probetan izena emateko epea 2021ko abenduaren 15tik 2022ko urtarrilaren 24a arte (biak barne) izanen da. Probaren egunean bertan ere izena eman daiteke, goizeko 8:15etatik 9:15ak arte, betiere parte hartzaileren gehienezko kopurura iritsi ez bada.

Parte hartzaile guztiek www.herrikrosa.eus webgunean sartu behar dute eta, bakarrik lehen aldia bada, hantxe erregistratu.

Aurreko urteetatik erregistratuta dauden helduek nahiz haurrek ez dute erregistroa berriro egin behar. Aurrekoko edizioetan erregistroa egin zuten adin txikikoek ez dute kode berririk sortu behar: aurreko edizioko kode bera sartzea nahikoa izango da. Beraz, herrikrosa webgunean erregistratuta bazaude proban izena-ematera joan.

NAN ez dutenek

Nortasun Agiririk ez dutenek (haurrek, alegia) erregistroko txantiloian haren zenbakia bete behar den lekuan, identifikazio kodea jarriko dute:

  • aurrena, izenaren lehen letra,
  • jarraian, lehen deitura osorik eta,
  • azkenik, jaiotza-data (hasieran, urtea, lau zenbakiez; gero, hila eta eguna, bina zenbakiz).

Ez da tarterik utzi behar: hots, 2006ko maiatzaren 30ean jaiotako Joxe Mari Gartzia Lasa parte-hartzaileari jgartzia20060530 kodea jarriko zaio.

Gogoratu, aurreko edizioetan erregistroa egin zutenek ez dute berriro egin behar eta proban izena-ematera joan behar dute.

Edozein probatan parte hartzeko, arautegia irakurtzea ezinbestekoa da. Proban parte hartze hutsak arautegia onartzea dakar.

1. ERREGISTROA

www.herrikrosa.eus plataforman erregistratuta izatea beharrezkoa da. Zure lehen aldia bada, erregistratu.

2. PROBAN IZENA-EMAN

Erregistratzeko datu guztiak behin sartuta, NAN edo umearen identifikazioa erabiliz izena eman dezakezu. Ez ahaztu partaide guztiek izena eman behar dutela.